යමුනා මාලිනී පෙරේරා නිර්මාණාත්මක සන්නිවේදනයක් සිදු කිරීම සඳහා පෙරටුගාමී වී සමාජය මෙහෙය වන කලාකරුවන් නිර්මාණකරුවන් කුලකයේ එක් අවයවයකි.යමුනා මාලිනිය යනු කුලකයක් නම් ඇගේ කාව්‍ය නිර්මාණ යනු ඇයගේ දිවි පෙවෙතේ එක් උප කුලකයකි.යමුනා මාලිනිය සමාජය හඳුනා ගන්නේ කිවිඳියක ලෙසිනි.ඇයගේ නිර්මාණ මංපෙත වෙත අවධානය යොමු කිරීමේදී ඇය කාව්‍යමය කුසලතාවය සහජයෙන්ම උරුම කර ගෙන ඉපදුණු කලාකාරිනියකි.මෙලොව සිදු වන සෑම සංසිද්ධියක් දෙසම අවධානයෙන් සේම අපූරු දෙනෙතකින් දකිමින් යමුනා මාලිනිය අනේක විධ කාව්‍ය සංග‍්‍රහ නිර්මාණය කර තිබේ.
ඇයගේ සියලූ කාව්‍ය නිර්මාණ මෙහිලා ගෙන හැර දැක්වීම දුෂ්කර බැවින් තෝරා ගත් මනරම් කවි පන්ති කිහිපයකින් ඇගේ නිර්මාණශීලිත්වයේ සුවිශේෂීතා ඉස්මතු කර දැක්විය හැක.1991 වසරේ විශිෂ්ඨ කෘතියක් ලෙසින් ඇගයීමට පාත‍්‍ර වූ ”කුලී මාලිගා” කිවි කලඹෙහි ”සුරා සොඬ සැමි වලප” අගනා කවි පෙළකි.
අයස ළඟදි මා ළඟ සිටි යසවතියසසිරිබර සැපත නොම දුටු සිරිමතිය
නීරස කුල බොජුන් වැළª රසවතිය
කටුක වැල් යහන සැරසූ පතිවතිය
පරමල කියා මා ගැරහූ කුසුමාවී
අඳ වූ මනෙත දිවැසින් දුටු නයනාවී
මූ දේවිය ලෙස මා දුටු සීදේවී
නුඹේ සොහොන ළඟ නෙත් ලදුයෙමි දේවී
මේ අත් දනී දුන් ගුටි බැට නිමක් නැත’
මේ මුව දනී දුන් නොසරුප් බැණුම් වැසී
අනේ ගහ බැනපු කිසිවක් සිතේ නැත’
පාලුයි මගේ පැළ අඳුරුයි පබාවත’
සුරාව මඳයට හා ප‍්‍රමාදයට හේතු වේ.සුරා සොඬ වීම හෙවත් සුරාවට ගිජු වීම විවිධ පුද්ගල හා සමාජ ව්‍යවසනයන්ට මඟ පාදයි.එයින් සිත් ,කය මෙන්ම සමාජ සංස්ථාවද අවුල් වියවුල් වේ.සුරා සොඬ සැමියන් නිසා පීඩා විඳින බිරින්ඳෑවරුන් සහ දරුවන්ගේ ඛේදවාචකය සමස්ථ සමාජයේම ආර්ථික, සමාජ, සංස්කෘතික ආදී විවිධ බිඳ වැටීම් වලට හේතුවකි. මෙකී සමාජ ප‍්‍රපංචය කෙරෙහි යමුනා මාලිනී කිවිඳිය , එ් සර්වකාලීන සමාජ ගැට`ථව නිර්මාණශීලී ලෙස කවි පන්තියෙන් ගෙන හැර දැක්වීමට කිවිඳිය සමර්ථ විය.
සැමියාගේ හිංසා පීඩා,කටුක දිවි පෙවෙත නිමා කර වෙන් වී ගිය බිරිඳගේ වියෝගය නිසා ඇති වූ අසරණභාවය,ආත්මානුකම්පාවෙන් වැළපෙන සැමියාගේ පසුතැවිලි සහගත මනෝභාවයන් අපූරු අයුරින් ඉස්මතු කිරීමට කිවිඳිය සමත් වී ඇත. කිවිඳිය එ් ආනුභුතිය වඩාත් සංවේදනීය අයුරින් ප‍්‍රතිනිර්මාණය කිරීම ,සාම්ප‍්‍රදායික විලාප කාව්‍යාකෘතිය යොදා ගැනීමෙන් යමුනා මාලිනියගේ වියුත්පත්ති ඥනය පිළිඹිබු වේ.බිරිඳ මිහිදන් කළ සොහොන ලඟ පියවි සිහිය ලබන සැමියාට ඇගේ ගුණ යහපත්කම් සිහිවේ.එ් සමඟම ඈ විදින ලද දුක් පසුතැවිලි විලාපයක් සේ මතු කිරීමට යමුනා මාලිනිය යොදා ගන්නා සංකල්ප හා වාග් මාලාව භාවාත්මකය.සංවේගශීලීය.
”අභිනික්මන් කළේ ඇයි මගෙ යශෝධරා”... පද්‍ය පාදයේ ඇතුළත් අෙභෙනික්මන්,යශෝදරා වැනි යෙදුම් සිහිපත් කරන්නේ ”‘යශෝධරාවතයි” .සිදු කරන ලද වැරදි බොහෝ ඇතත් කිවිදිය කවි ඇසින් දකින ස්වාමියා පාඨකයාගේ අනුකම්පාවට සුදුසු වේ.සැමියාට ද්වේශ නොකරන බිරිදක් මින් ඉස්මතු කරයි.යශෝදරාවතින් තිව‍්‍ර වී ඇත්තේ ද එකී චින්තනයයි. මෙලෙසින් යමුනා මාලිනියගේ කවි බසේ ඇති සංයමය පිළිඹිබු වේ.
යමුනා මාලිනිය සමඟ- සම්මුඛ සාකච්ඡුාවක් ඇසුරින්-
යු.බී.ශෂිනි ශ්‍යාමනී
No comments:
Post a Comment